منتدى طلاب جامعة جنوب الوادى بقنا
أهلا بك عزيزى الزائر بمنتدى جامعة جنوب الوادى بقنا عزيزى الزائر نتشرف بتسجيلك كعضو معنا فى المنتدى ملحوظة عزيزى الزائر المحاضرات والموضوعات المهمة التى تخص طلاب كل كلية بجامعة جنوب الوادى بقنا متاحة للسادة الاعضاء فقط سجل الان ومش هتندم لكى تستفيد بخدمات المنتدى المتميزة ولكى يكون لك الاولوية فى عمل الشات المباشر مع طلاب وطالبات الجامعة وعمل صداقات جديدة واجمل الحوارات الطلابية ولدينا ايضا المفاجأة الاكبر عمل وتصميم اعلانات ودعم ومساعدة واشهار المنتديات العربية مجانا للأعضاء فقط .اشترك واطلب اللى انت عايزه من محاضرات,سكاشن,امتحانات سابقة,دعم لمنتداك واشهاره وشوف طلبك هيتنفذ ولا لأ.
مع تحيات

قباحه وقله ادب

استعرض الموضوع السابق استعرض الموضوع التالي اذهب الى الأسفل

ألف شكر قباحه وقله ادب

مُساهمة من طرف medodeluxe في الأربعاء مارس 09, 2011 7:59 pm


لما ببوح
بيقولوا قبيح
بيقولوا عنى واحد متهور
مابيفهمشى فى التلميح
طب اعمل ايه؟
انا مخلوق بطبيعتى صريح
كل العالم عندى ف كفة
وبلدى ف كفة
انا بالفعل بحبها موت
مش (كداب زفة)
بس لا قلت
انا راجل سوبر

ولا بكتب غنوة فى اكتوبر

ما الناس واعيه وفاهمه وعارفه
لما ببوح
بيقولوا قبيح
بيقولوا عنى واحد متهور
مابيفهمشى فى التلميح
طب اعمل ايه؟
انا مخلوق بطبيعتى صريح
كل العالم عندى ف كفة
وبلدى ف كفة
انا بالفعل بحبها موت
مش (كداب زفة)
بس لا قلت
انا راجل سوبر

ولا بكتب غنوة فى اكتوبر

ما الناس واعيه وفاهمه وعارفه

انا واحد م الكام مليون

اللى سعيدهم....... بقى مطحون

واللى حزينهم احلى زبون

للتليفزيـــــــــــون

يستضيفوه فى برامج آه

و يدولوا الجايزة المحترمة

بعد ما بيفرجوا على أهله

أمـــــــــــة لا اله الا الــله

بعد الجايزة يجرى يزقطط

م الفرحه يا عينى بيعيط

وعياله وراه من فرحتهم

عماله تجرى وتتنطط

كل ده بقى يتصور فيديو

وسلو موشن مع أغنية

كده احبابنا هديو ورضيوا

بعدها ييجى الأخ مذيع

ابو شعر مسبسب لميع

عينه بتبرق م التدمـــــيع

يشكر سيدنا رئيس الدولة

وياخد بين الخرابات جولة

يعرض لينا مآسى الخلق

واحنا نخبط كف بكف



( 2)



ونقول ولا قوة ولا حوله

بقى بالذمه

دا اسمه كلام

تسرق واحد سرقه تمام

واما يجوع ويفرفر تجرى

تديله صدقه..... بجد حرام

قلة ادب السادة..... ريادة

وأباحتهم..... ترانيم فى عبادة

واما اتكلم انا ياخدونـــــــــــى

اسألهم على فين يااخوانا

يقولولى هاتشربها ساده

تهمتى ايه ؟؟؟ من غير تجريح

بشياكه يقولولى .....قبيح

طب هااتعلم أبقى مؤدب

يجاوبنى الأخ على المكتب

انت قبيح وقليل الذوق

ماتفكر قبل ماتتكلم

انت حمار ولا دى غباوة؟؟

قلتله لأ أنا كده مخلوق

........

لما نزلت مشيت فى الشارع

كنت ببحلق ماشى بتابع

شفت حمير وبجد كتير

شفت تلاته ماشيين قدامى

وانا ف الشارع كنت الرابع

كان الآول ساحب كارو

ولا عارف بحره من برو

ماشى بيلعن أبو راكبينه

آه بيلعنهم...... بس ف سره

اما التانى فكان متفائل

حمله تقيل...... بس حمار عاقل

ماشى على جنب ... ومالوش ذنب

لا بيسأل ..... ولا يوم يتسائل

أما التالت كان بلا افيه

حمار غلبان معدوم العافيه

ولا بقى همه كلام وسكوت



(3)



ولا بقى همه يعيش مبسوط

ويفرح قوى لو يومه يفوت

حلمه يادوبك يلقى القوت

وانا للأسف انا كنت الرابع

فجأة لقيتنى ماشى طابور

بيقولوا عنى..... حمار مغرور

بس البيه الظابط قاللى

انت يا جحش عليك الدور

كل شوية عامللى حوادث

عود نفسك تسكت خالص

ولااتكلم.... وانا اوريلك

قلتله لأ.... أنا بقى مش ناقص

انا هاامشى خلاص جنب الحيط

وامشى على دماغى لو حبـــــيت

ممكــــــــن انز ل نــــــعى لنفسى

واكتب (مات)..... على باب البيت



(كتبت عام2007)





medodeluxe
حاليا
حاليا

الكلية : الآداب
الجنس : ذكر
تاريخ الميلاد : 03/08/1985
العمر : 31
الابراج : الاسد
عدد النقاط : 40

http://nakada@groups.facebook.com

الرجوع الى أعلى الصفحة اذهب الى الأسفل

ألف شكر رد: قباحه وقله ادب

مُساهمة من طرف ضحكة النرجس في الخميس مارس 10, 2011 8:49 am

الله بجد جميله أووووووووووي وجت على الجرح فعلا

كـــم هــو جميل عندما تكتب كلمات. يراهـــا البعـــض جميلــــه ... و يراهــــا البعــــض معبـــّره .. و يراهــــا آخرون بلا معنــــى!!!!لكــــنك أنت الوحيــــد الذي تعلـــــم عندمـــــا تكتبهــا ماذا يوجــد وراء كواليـــــسها
queen queen
avatar
ضحكة النرجس

وظيفته دلوقتى


وظيفته دلوقتى

الكلية : الخدمه الاجتماعيه
الجنس : انثى
تاريخ الميلاد : 18/08/1991
العمر : 25
الابراج : الاسد
عدد النقاط : 295

الرجوع الى أعلى الصفحة اذهب الى الأسفل

ألف شكر هناك المزيد

مُساهمة من طرف medodeluxe في الجمعة مارس 11, 2011 11:38 am

شكرا علي المرور الكريم اختي ضحكة النرجس وفيما ياتي قصيده كتبتها انا بعنوان

دعيني فالحزن يهواني farao

medodeluxe
حاليا
حاليا

الكلية : الآداب
الجنس : ذكر
تاريخ الميلاد : 03/08/1985
العمر : 31
الابراج : الاسد
عدد النقاط : 40

http://nakada@groups.facebook.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى