منتدى طلاب جامعة جنوب الوادى بقنا
أهلا بك عزيزى الزائر بمنتدى جامعة جنوب الوادى بقنا عزيزى الزائر نتشرف بتسجيلك كعضو معنا فى المنتدى ملحوظة عزيزى الزائر المحاضرات والموضوعات المهمة التى تخص طلاب كل كلية بجامعة جنوب الوادى بقنا متاحة للسادة الاعضاء فقط سجل الان ومش هتندم لكى تستفيد بخدمات المنتدى المتميزة ولكى يكون لك الاولوية فى عمل الشات المباشر مع طلاب وطالبات الجامعة وعمل صداقات جديدة واجمل الحوارات الطلابية ولدينا ايضا المفاجأة الاكبر عمل وتصميم اعلانات ودعم ومساعدة واشهار المنتديات العربية مجانا للأعضاء فقط .اشترك واطلب اللى انت عايزه من محاضرات,سكاشن,امتحانات سابقة,دعم لمنتداك واشهاره وشوف طلبك هيتنفذ ولا لأ.
مع تحيات

قصص حبى من الابتدائى لحد الثانوى احمد كمال

استعرض الموضوع السابق استعرض الموضوع التالي اذهب الى الأسفل

شكرا قصص حبى من الابتدائى لحد الثانوى احمد كمال

مُساهمة من طرف ahmed kamal في الأربعاء فبراير 03, 2010 12:48 am


فرصة سعيدةبيكتب عن حبه الأولاني في المدرسة.. دخلت أعلق عليه.. لقيتني افتكرت حكاياتي أنا كمان.. قلت أكتبهالكم..

كنت بحب بنت في سنة خامسة.. كان اسمها "منه"، وكانت أمورة قوي.. رغم اني شفتها من سنتين واكتشفت إن عندها (ضب) يعني وشها طالع لبرة كدة وبيخوف في الضلمة ... ساعتها كنت ببعت أخويا الصغير اللي كان في الحضانة في نفس مدرستنا عشان يتكلم معاها ويصاحبها وبعدين خليته يقولها إني أخوه واتصاحبت أنا عليها وفكرنا في يوم نزوغ من المدرسة وزوغنا فعلا بس كل واحد لوحده (هي دي الصياعة) بس أول ما سنة خامسة خلصت.. كان لازم "نسيب" بعض.. مع إننا ممسكناش بعض أصلا..

فجبت ملحق انجليزي في السنة دي.. وكنت مقتنع إن ربنا عاقبني بالملحق ده عشان كنت بحب "منه".. ولإن الحب حرام.. أصل أنا كنت بحلم بيها بالليل وكنت بفكر فيها وأنا بصلي.. وعشان كدة كان لازم أسيبها عشان معملش حاجة حرام وأبطل أسقط في الامتحانات..

لكن السبب الحقيقي اللي كان لازم أسيب عشانه "منه"، ان اختى جت تشتغل في المدرسة نفسها مدرسة جديدة ، وطبعا لإني كنت اخ الميس (أنا كنت بكره كل أولاد الميسات في المدرسة كلها) كنت بروح أحضر ساعات حصص المراجعة النهائية هناك.. كنت بقعد لوحدي في فصل فيه 36 بنت.. يا بختي!

ساعتها اختى خدتني معاها درس كانت بتديه لبنت كانت ضعيفة في العربي لإنها كانت متربية برة مصر، البنت دي كان اسمها رانيا وكانت ساكنة في آخر شارع
بنزايون
.. واختى كانت منبهة عليا مقولش إني ا قدام رانيا ومامتها.. لكن أنا ضميري عذبني قدام رانيا اللي كنت ابتديت احبها.. وقلت لنفسي إني لازم أقولها الحقيقة ومخدعهاش أكتر من كدة..

وقابلتها فعلا بعيد عن بيتها وعن المدرسة.. عند بيلا مود الموجودة قدام سندريلا.. وهناك صارحتها بالحقيقة.. لكن هي ضحكت قوي وقالتلي إنها كانت عارفة إني اخو اختى.. لإن مامتها كانت كلمت اختى في البيت واختى مكانتش موجودة وخالي هو اللي رد على التليفون وقالها إنها نزلت هي واحمد السهريج.. يومها اختى اتخانقت خناقة كبيرة مع خالي.. ومن ساعتها وأنا مضايق من خالي لإنه بوظ قصة حبي.. رغم إن رانيا قالتلي إنها بتحب ولد تاني من مدرسة تانية صغيرة جنب مدرستنا!

من ساعتها بطلت أفكر في الحب.. وقعدت أتفرج على البنات من بعيد.. لحد أولى ثانوي.. اتنقلت مدرسة الشهيد عبد المنعم رياض العند عمر افندى.. وكانت البنات بتاعت مدرسة الزراعة كانو بيعدو من قدام مدرسة الشهيد.. وكل البنات كانت محجبة ما عدا بنت واحدة كانت بشعرها وكان اسمها (مش هعرف أقوله) ينفع يبقى اسم مسلم ومسيحي في نفس الوقت.. وكنت بفضل أبص لها طول اليوم وأكتبلها شعر وأحفظ في أشعار فاروق جويدة وأسمع شريط سميرة سعيد (انحراف بقى)..

وبعد ما فضلت ماشي وراها طول السنة.. ورغم فشلي تماما إني أعرف فين بيتها.. إلا إن شادي،.. قالي إنها ساكنة في البيت اللي قصاد بيتي.. ويومها عرفت إني غبي قوي.. يعني طلعت جارتي ورحت أحبها في المدرسة!

في سنة تانية ثانوي.. عمرو دياب عمل أغنية جديدة كان اسمها (
تملي معاك) وأنا كنت بحب قوي البنت الموديل المسلوعة اللي كان هو بيحبها في الكليب.. وكان في بنت اسمها منى كانت معايا في الدرس.. كانت نسخة طبق الأصل من البنت بتاعة الكليب.. وأنا كنت مسميها "منى تملي معاك
".. وروحت اشتريت البلوفر بتاع عمرو دياب من سوق ليبيا.. وغلبت على ما لقيت واحد مقاسي

المهم.. منى حبتني يوم واحد بس.. عشان تغيظ واد في سنة تالتة أخو واحدة صاحبتها.. والواد عرف إني بحبها.. واتخانق معايا قدام المدرسة.. واتضربت الحمد لله.. والبلوفر بتاع عمرو دياب اتقطع.. وأنا بطلت أتفرج على كليب تملي معاك.. لإن كان في كليب تاني بتاع إيهاب توفيق اسمه.. انسى انساني متقولش نرجع تاني.. وكانت دي نهاية قصص حبي في إعدادي وثانوي..

ahmed kamal
حاليا
حاليا

الكلية : مدير بارات باحد الفنادق
الجنس : ذكر
تاريخ الميلاد : 12/10/1981
العمر : 35
الابراج : الميزان
عدد النقاط : 225

الرجوع الى أعلى الصفحة اذهب الى الأسفل

شكرا رد: قصص حبى من الابتدائى لحد الثانوى احمد كمال

مُساهمة من طرف RADWAN في الأربعاء فبراير 03, 2010 7:10 am

ههههههههههههههههههههههههههههههههه بصراحة انا مش عارف اقولك ايه يا مان على القصة الجميلة ديه هى جميلة ومممتعة فى نفس الوقت واوقات المراهقة ديه بيعيشها ناس كتير كانوا فى سنك ده فى ثانوى واعدادى وده طبعا شىء طبيعى ههههههههه بس بصرحة زعلان منك ازاى البنت اللى كنت بتكتبلها شعر وتحفظ في أشعار فاروق جويدة وتفضل ماشى وراها طول السنة ههههههه سورى لا ده غباء فعلا وكمان تخلى الولا يقطعلك بروفل عمرو دياب بتاع تملى معاك وبعد ده كله معترفتش تظبطلك ولا وحده لا ان شاء الله ربنا يكرمك وتظبط فى الجامعة بالمناسبة ياريت تقولنا بكل صراحة حبيت كام وحده فى الجامعة لغاية دلوقتى؟؟؟؟؟؟ يلا انا مستنيك وعلى فكرة انا كنت فى مدرسة الشهيد برده ههههههههه وكنت بشوف بنات زراعة وهى معدية بس بصراحة سورى فى اللفظ يا جماعة معظمهم يا عم دول (صايعين خالص) تتصور انا فى يوم اولى ثانوى كنت قاعد باصص انا واحد صاحبى اسمه شريف من المبنى الجديد بتاع اولى ثانوى ههههه ناحية جاد بتاع السندويتشات عارفه وبنات زراعة وقفوا وقعدوا يضحكولنا وشارولنا علشان ننزلهم ويتعرفوا علينا بصراحة انا يوميها كنت اول مرة فى حياتى اشوف بنات بالجراءة ديه علشان مطولش عليك ياريت تقولنا بتعمل ايه فى الجامعة او بعد الثانوى هل فى قصص حب تانى ولا ايه هههههه
وشكرا ليك خالص يا مان على المغامرات والقصص الرومانسية ديه بجد شيقة والله
وتقبل مرورى اخوك رضـــــــوان








RADWAN
وظيفته دلوقتى
وظيفته دلوقتى

الكلية : الحياة
الجنس : ذكر
تاريخ الميلاد : 01/03/1989
العمر : 27
الابراج : السمك
عدد النقاط : 1003683

http://www.svuqena.mygoo.org

الرجوع الى أعلى الصفحة اذهب الى الأسفل

شكرا رد: قصص حبى من الابتدائى لحد الثانوى احمد كمال

مُساهمة من طرف ahmed kamal في الخميس فبراير 04, 2010 11:09 pm

فالح يا رضوان ...جاي عاوز تسيحلى دلوقتي وأنت بتلعب في الوقت الحرج...
. انا كتب الكتاب قرب يا عم اصبر الكام شهر دول وبعدين
هقولك عليهم بس دلوقتى علشان حبيبتى عندكم فى الجامعة ولو عرفت انى
بكلم صحبتها رانيا او فاطمة حتى والله هيا متعرفش انى بكلم مروة وكمان متعررفش حكايت البنت بتاعت كلية
التربية الهنا فى الغردقة القبلتها فى الشطة العام وجبتلها كابتشينو البيعمل شنبا بس سيبك يا رضوان انتا
عارف لما تكون بعيد على مراتك او حطبتك يااااااااااااااااااااا والله بتكون احسن متكون جنبها
دة انا اول ما باجى هنا الغردقة علطول بقلع الدبلة علشان محدش يعرف انى متجوز
دة حتى البنت لينا الروسية لسا كانت معاى من شوية ولا ليتا وناتاشا بص يا رضوان انا كدا اتحطيت قدام الأمر الواقعي

كد والحمد لله انتو ماعرفتوش عليا حاجة ولا حد فيكم هيعرف يسيحلى

ahmed kamal
حاليا
حاليا

الكلية : مدير بارات باحد الفنادق
الجنس : ذكر
تاريخ الميلاد : 12/10/1981
العمر : 35
الابراج : الميزان
عدد النقاط : 225

الرجوع الى أعلى الصفحة اذهب الى الأسفل

شكرا رد: قصص حبى من الابتدائى لحد الثانوى احمد كمال

مُساهمة من طرف RADWAN في الخميس فبراير 04, 2010 11:29 pm

كمان متجوز يا دى النيلة لا بس انت كده متفضحتش خااااااااااااااااااااااااااااااااالص







RADWAN
وظيفته دلوقتى
وظيفته دلوقتى

الكلية : الحياة
الجنس : ذكر
تاريخ الميلاد : 01/03/1989
العمر : 27
الابراج : السمك
عدد النقاط : 1003683

http://www.svuqena.mygoo.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى