منتدى طلاب جامعة جنوب الوادى بقنا
أهلا بك عزيزى الزائر بمنتدى جامعة جنوب الوادى بقنا عزيزى الزائر نتشرف بتسجيلك كعضو معنا فى المنتدى ملحوظة عزيزى الزائر المحاضرات والموضوعات المهمة التى تخص طلاب كل كلية بجامعة جنوب الوادى بقنا متاحة للسادة الاعضاء فقط سجل الان ومش هتندم لكى تستفيد بخدمات المنتدى المتميزة ولكى يكون لك الاولوية فى عمل الشات المباشر مع طلاب وطالبات الجامعة وعمل صداقات جديدة واجمل الحوارات الطلابية ولدينا ايضا المفاجأة الاكبر عمل وتصميم اعلانات ودعم ومساعدة واشهار المنتديات العربية مجانا للأعضاء فقط .اشترك واطلب اللى انت عايزه من محاضرات,سكاشن,امتحانات سابقة,دعم لمنتداك واشهاره وشوف طلبك هيتنفذ ولا لأ.
مع تحيات

احتجاج منتقبات "جامعة جنوب الوادى" لمنعهن من الامتحان

استعرض الموضوع السابق استعرض الموضوع التالي اذهب الى الأسفل

خبر احتجاج منتقبات "جامعة جنوب الوادى" لمنعهن من الامتحان

مُساهمة من طرف RADWAN في الثلاثاء يناير 26, 2010 7:25 pm



أجبرت إدارة فرع جامعة جنوب الوادى فرع أسوان الطالبات المنقبات على خلع
النقاب أثناء أداء امتحانات نصف العام فى كليلت الآداب والخدمة الاجتماعية
والعلوم والتربية والهندسة والتكنولوجيا والمعهد العالى للطاقة.

وتجمهر العديد من الطالبات المنقبات أمام لجان الامتحانات رافضات خلع
النقاب وحملن قرار المحكمة الإدارية العليا مطالبات بعقد لجان امتحانات
خاصة لهن فى حالة إصرار إدارة الجامعة.

فى حين أكد أعضاء اللجان والمراقبين، أن هذه القرارات ليس لهم يد فيها وإنما هى قرارات رئيس الجامعة وأنهم غير مسئولين عنها.

كما تعالت العديد من أصوات الطلاب بمؤازرة الطالبات المنتقبات، بينما هدد
رؤساء اللجان هؤلاء الطلاب بعمل محاضر شغب لهن وإخراجهن من اللجان.

وقد عبرت الطالبات المنتقبات عن استيائهم من تعسف إدارة الجامعات ضدهن
واعتبرته مخالفا لقرار المحكمة الإدارية العليا الذى قضى بالسماح للطالبات
الجامعيات المنتقبات على حضور الامتحانات وهن يرتدين النقاب.






avatar
RADWAN
وظيفته دلوقتى
وظيفته دلوقتى

الكلية : الحياة
الجنس : ذكر
تاريخ الميلاد : 01/03/1989
العمر : 28
الابراج : السمك
عدد النقاط : 1003683

http://www.svuqena.mygoo.org

الرجوع الى أعلى الصفحة اذهب الى الأسفل

خبر رد: احتجاج منتقبات "جامعة جنوب الوادى" لمنعهن من الامتحان

مُساهمة من طرف RADWAN في الثلاثاء يناير 26, 2010 7:34 pm

وديه يا جماعة بعض التعليقات على الموضوع على موقع اليوم السابع


خليكم في البيت



بواسطة: مجدي علي
بتاريخ: الأثنين، 25 يناير 2010 - 14:26



يا
جماعة خليكم في البيت بقة اصلا انتم بتتعلموا لية يعني كدة كدة امثالكم
اخرها البيت تتجوزي واحد بدقن وجلبية بيضا بيروح الدرس في المسجد كل يوم
ويتفرج علي قناة الناس 24 ساعة في اليوم عايزة تتعلمي لية يعني مش فاهم
خليكم في البيت وريحوا الناس من منظركم اللي بيسبب تلوث بصري للعين وانتم
شبه العو كدة ههههههههه






2


ردا على التعليق أنت اكيد تيس



بواسطة: ام سندس
بتاريخ: الأثنين، 25 يناير 2010 - 14:48



اكيد انت بنتك بتلبس بدى وليجل ومراتك كمان صح !!!!!!!!!!!!!!!!!!!!!!!!!!!!!!!!!






3


نحن اولى من يتعلم



بواسطة: امة الله
بتاريخ: الأثنين، 25 يناير 2010 - 15:07



ردا
على التعليق السخيف نحن المنتقبات اولى الناس بالتعلم فى زمن غياب القدوات
وبروز القدوات السيئه امام الاطفال فاذا نحن جلسنا فى البيت فمن يخرج ليرى
المجتمع الوجه الصحيح للدين المتوسط والمواكب للمجتمع فنساء النبى كانو
يخرجو للجهاد مع الرجال ونحن فى جهاد عندما يحنى الجبين للمتبرجات وتحارب
العفبفات وتغيب القدوات ففرض علينا ان نعملن لاجل رفعة الدين ان طالبه فى
تربيه وانتظر فرصة تخرجى حتى اشارك فى تعليم الاجيال الدين والدنيا فلا
تعارض بينهما وحتى احمى اطفال من كتب هذا التعليق العقيم من هذا الفكر
اللمتطرف







4


نحن اولى من يتعلم



بواسطة: امة الله
بتاريخ: الأثنين، 25 يناير 2010 - 15:11



رد
على ام سندس لا يصح تعليقك بكلمة تيس فاذا كان هو لا يفقه شى فى الادب مع
دين الله فلا تكونى انتى مثله اين التعامل بالحسنى مع من اساء " فاذا الذى
بينك وبينه عداوة كانه ولى حميم" هذا كلام ربنا







5


يا رقم واحد يا مسكين



بواسطة: د.مريم
بتاريخ: الأثنين، 25 يناير 2010 - 15:26



يا جماعه متعلقوش عليه

هو حاقد على استاذ الدكتور المنتقبه حاقد على الدكتورة والمهندسه المنتقبات

هو حضرتك كملت تعليمك ولا لا؟ بجد انا بسال اصل اسلوبك مش اسلوب واحد ثقافته عاليه زي ما كليتنا العاليه علمتنا

اناشد
سيادة الرئيس للتدخل لوقف هذا الظلم كما عودنا على رفع الظلم من على
المظلومين كما في توجيهات سيادته في امر الضرائب العقاريه وانقاذ الطالبه
الاء من الفصل من كم سنه








6


رد على تعليق رقم 1



بواسطة: مسلم
بتاريخ: الأثنين، 25 يناير 2010 - 15:40



ايه يا ابني التهييس ده
هي المنقبه وحشه في ايه
على الاقل لما الواحد بيشوف منقبه بيحترمها عن واحده حاطه ميك اب وماشيه تتدلع في الشارع والناس كلها تبصلها
المنقبه مش وحشه علشان ماشيه بكلام ربنا
بس هي بلدنا كده لازم كل فتره يبقي فيه مشكله تهز البلد مش ينفع نقعد من البلد من غير مشاكل
وصحيح يا مجدي
انا شاب برضو بس مش من بتوع الجلابيات ولا قناه الناس
انا شاب مسلم وبتمني الهدايه من ربنا

الله يكون في عون المنقبات وينصرهم ع الظالمين







7


الي تعليق رقم 2 ورقم 3



بواسطة: مجدي علي
بتاريخ: الأثنين، 25 يناير 2010 - 15:52



الي رقم 2
مش هغلط فيكي بس هقولك ان هي دي اخلاق اللي بيتفرجوا علي قناة الناس وشايفين بن لادن ايقونة للاسلام فطبيعي يطلع منك كدة
وعامة انا مش متجوز واكيد ماعنديش اولاد

الي رقم 3
لو
انا فكري متطرف يبقي انتي فكرك اية طيب؟ ولا انتي مش قادرة تختاري الفاظ
مناسبة فعلا انتي محتاجة تتعلمي ازاي تجادلي مع الناس شوية اكتر من كدة
ولا امل في مجتمع تكون فيه الام مثلك واذا أردتي الجهد (بمفهوم أمثالك
وليس الاسلام الشريف) فلتذهبي لتفجري أي طائرة زاخرة بالاطفال او فجري
مدارس الاطفاي في باكستان امامك خيارات عديدة اذا لكن اتركي المجتمع
المدمر اصلا بفعل النظام الفاسد الي يحكمه وبفعل المد السفلي المتطرف الي
يجتاحه الان بسبب امثالك
مصر بين مطرفة الفساد وسندان التطرف







8


(قل موتوا بغيظكم)



بواسطة: محمد حامد
بتاريخ: الأثنين، 25 يناير 2010 - 17:08



على
فكرة الراجل صاحب التعليق رقم 1 عمال يكتب نفس التعليق السخيف ده بالظبط
فى كل خبر عن النقاب واضح ان هو فاضى ومش لاقى حاجة يعملها لاتشغلوا بالكم
به
وأقول له لآخر مرة ولامثاله:
مازادت هجماتكم على المنتقبات إلا تمسكا منهن واصرارا على الثبات
لانهن قد أدركن من خلال هذا الهجوم أنهن يحاربن لاجل شىء غالى يحسدن عليه
وكم من غير المنتقبات من كانت تلك الحملة الشرسة سببا فى ارتدائهن النقاب
وأخيرا

((قـــــــــــــــــــــــــل موتـــــــــــــــــــــــــــــوا بغيظـــــــــــــــــــــــــــــــكم))







9


فعلا هم اولى بالتعليم



بواسطة: طالبه الهدايه من الله
بتاريخ: الأثنين، 25 يناير 2010 - 18:42



اللهم اهدين واهدي جميع نساء الملمين الى النقاب
والى كل واخواتى المنقبات تمسكن بنقابكم والله تعالى المستعان وكما قالت الاخت امه الله فانتم في جهاد







10


الكلمة الطيبة



بواسطة: ابراهيم
بتاريخ: الأثنين، 25 يناير 2010 - 19:13



الى
الاستاذ صاحب التعليق رقم واحد يا اخى لو تمتللك قول الكلمة الطيبة اتفضل
قولهاولو لا تمتلك يكون السكوت افضل وياخى ده الكلمه الطيبه صدقه كما قال
صلى الله عليه وسلم







11


الي رقم واحد



بواسطة: المنتقبة
بتاريخ: الأثنين، 25 يناير 2010 - 19:14



لم اشعر بالراحه الا مع النقاب ونظره الاحترام من الناس






12


الي رقم 1



بواسطة: م/ أشرف نور الدين
بتاريخ: الأثنين، 25 يناير 2010 - 19:37



أي
مجتمع مسلم لا يخلوا من ثلاث فئات مؤمنيين ، منافقين ،كفار .. و طائفة
المنافقين الذين يظهرون الأسلام و يحملون بطاقات مكتوبة في خانة الديان
مسلم بينما قلبه مليء بالكره علي كل مظاهر الأسلام .. الكلام اللي أنت
بتقوله ده لا يقوله أبدا أنسان يحمل في قلبه توقير لله و رسوله .. و ما
اشبه اليوم بالبارحة يوم سخر المنافقين علي عهد النبي صلي الله عليه وسلم
من الصحابة فأنزل الله عز و جل فيهم ‏‏‏{‏ولئن سألتهم ليقولن إنما كنا
نخوض ونلعب قل أبالله وآياته ورسوله كنتم تستهزءون‏.‏ لا تعتذروا قد كفرتم
بعد إيمانكم‏}
عموما يا مجدي الموعد الله .. سنقف أمامه جميعاً و سيعلم الذين ظلموا أي منقلب ينقلبون

كلامي
لكل المنتقبات : الثبات الثبات .. لا يفتننكم المنافقين و المثبطين ..
فواللهما شيء أغيظ لهم أإم لقلوبهم من رؤية مسلم علي طاعة الله








13


يعذر بجهله



بواسطة: sami
بتاريخ: الأثنين، 25 يناير 2010 - 19:54



خذ العفو وامر بالعرف واعرض عن الجاهلين






14


الحرية



بواسطة: مصرية
بتاريخ: الأثنين، 25 يناير 2010 - 20:42



اين
الحرية هل علشان منقبات تضيع سنة عليهم طب اعملوا لهم لجنة خاصة حرام تضيع
السنة فكل واحد حر فى نفسه وفى معتقداته ربنا هو الذى يحاسب صحيح بيحدث
اشياء صعبة بس الطلبة مش معقول يتحرموا من الامتحانات الاختيار صعب انا مش
مع النقاب بس كل واحد حر







15


افيدونا افادكم الله



بواسطة: محمد سالم المحامى
بتاريخ: الأثنين، 25 يناير 2010 - 20:52



اولا نفسى حد يرد عليا ويفهمنا ما هو الضرر الواقع علي الدولة والجامعة من لبس النقاب 00؟
اليس النقاب افضل مليون مرة من الكاسيات العاريات والمتبرجات ومثيرة الفتنة هذه واحدة
اما
الثانية لماذا عدم احترام احكام القضاء والاصرار علي محالفتها وهل هذه
الاحكام لو صدرت لغير المسلمات كانت سوف تلقى هذا المصير ايضا







16


امتي بقي



بواسطة: mai
بتاريخ: الأثنين، 25 يناير 2010 - 21:02



امتي
بقي يطلع قانون زي تركيا و تونس ونمنع البتاع ده نهائي واللي مش هينفذ
القانون يتعاقب او يتسجن و اللي مش عاجبه يخبط راسه في الحيط







17


الي 16



بواسطة: م/ أشرف نور الدين
بتاريخ: الأثنين، 25 يناير 2010 - 21:59



إن
شاء الله ليس قبل أن ياتيكي ملك الموت و تقفين أمام الله عز و جل يسألك عن
القليل و الكثير و النقير و القطمير .. هل تظنيين فعلا أن محاربتك للنقاب
ستكون في ميزان حسناتك !!
يقول عثمان رضي الله عنه " ودت الزانية لو
زني النساء كلهن" كذلك أي عاصي أو عاصية يتمني أن يكون كل الناس مثله علي
معصية حتي لا يكون شاذ عن المجتمع من حوله .. و عندما يري أهل الأيمان
يتذكر تقصيره و تفريطه في حق الله فيمتليء قلبه غيظ عليهم
"قل موتوا بغيظكم إن الله عليم بذات الصدور"
و نصيحتي الأختيار لازال متاح أما أن يقف الأنسان في صف أهل الأيمان أو في
صف المنافقين "المنافقون والمنافقات بعضهم من بعض يأمرون بالمنكر وينهون
عن المعروف"
الكلام ليس هجوماً علي أي شخص بعينه بقدر ما هو أقامة للحجة حتي لا يعتذر احد بجهله
النقاب
لم يختلف أثنيين من العلماء السلف الصالح علي مشروعيته و علي مدار 14
قرناً من الزمان أقوالهم جميعاً تتأرجح بين الأستحباب و الوجوب و هذا
اجماع منهم كلهم فقهاء و محدثين و مفسرين لا أعلم في ذلك مخالفاً إلا بعض
من ظهر حديثاً من بعض العلماء الذين باعوا دينهم بثمن بخس دراهم معدودة ..
يقول النقب فرض ثم بعد أن يتولي الأفتاء يقول هو مكروه سبحانك هذا بهتان
عظيم .. نصيحتي الأخيرة أن لم تكن من الملتزمين بدين الله فلا تكن حرباً
علي المؤمنيين لتفتنهم عن دينهم حتي لا تحشر مع المنافقين في الدرك الأسفل
من النار .. نسأل الله السلامة و أن يميتنا علي دينه قابضين عليه ولو كره
المنافقين







18


الى رقم سبعه



بواسطة: د.مريم
بتاريخ: الأثنين، 25 يناير 2010 - 23:09



طيب حضرتك شايف ان حضرتك اتبعت اخلاق الاسلام لما قلت انتم شبه العو !!!!!!!

بجد انا مش عارفه حقد حضرتك الكبير على ان المنتقبات بيتعلموا وبيخدوا مناصب عاليه ليه !!!







19


الى اداره الجامعة والمؤيدون



بواسطة: عبد الله
بتاريخ: الأثنين، 25 يناير 2010 - 23:13



بسم الله الرحمن الرحيم اتقوا يوما يرجعون الى الله ثم توفى كل نفس ما كسبت وهم لا يظلمون صدق الله العظيم






20


الى 12



بواسطة: عبد الله
بتاريخ: الأثنين، 25 يناير 2010 - 23:21



والله انت انسان محترم ربنا يكتر من امثالك ويقلل من امثال مجدى على قبح الله وجهة






21


اعزكم الله يا منتقبات



بواسطة: هاجر
بتاريخ: الأثنين، 25 يناير 2010 - 23:36



انا
مش منتقبه لكنى بحترم اى منتقبه وبنظرلها باحترام والله هما احق الناس
بالتعليم وايه الضرر فى النقاب مش هما بيقولو حريه شخصيه طيب ما فى بنت
ماشيه عريانه(سورى)وحالتها حاله وبنقول حريه شخصيه طيب ما دى ماشيه بنقاب
وبرضو لازم نقول حريه شخصيه
اموت واعرف ايه الغلط فى النقاب ربنا ياخد العلمانين واليهود وكفايه بقا هبل يا صاحب الرقم 1 وغيرك واستغفر ربك انت والمعارضين







22


الى رقم 1و 12



بواسطة: عبد الله
بتاريخ: الثلاثاء، 26 يناير 2010 - 00:12



الى رقم 1 ربنا ياخدك و الى رقم 12 ربنا يحميك






23


الي رقم 6



بواسطة: مجدي علي
بتاريخ: الثلاثاء، 26 يناير 2010 - 00:21



انا
ساكن في حي قريب من جنينة الميريلاند جدا وادعوك انك تشوف النقبات جوة
الجنينة دي بتعمل اية بالظبط ولو انت من الجيزة مثلا او ماسمعتش عن جنينة
الميريلاند اسئل حد من اللي تعرفهم عن جنينة الميريلاند وروح شوف المنقبات
هناك في قمة الاخلاق المثلي ازاي
وعلي فكرة الحكم علي اخلاق الفرد مش بملابسه







24


الى تعليق رقم 6



بواسطة: هنــد
بتاريخ: الثلاثاء، 26 يناير 2010 - 00:39



"المنقبه
مش وحشه علشان ماشيه بكلام ربنا "..هو النقاب خلاص خليتوه كلام ربنا ..آه
يا زمن الفتاوى والفضائيات ..وطبعا اللحية والجلباب برضه يبقوا كلام ربنا
..بقى ربنا نزل دينه علشان يقولنا نتعامل ازاى والا علشان يقولنا نلبس ايه
؟!!..هى الفتنة الطائفية حصلت من شويه ..!!!







25


لهذا خلعت النقاب



بواسطة: منى سعيد
بتاريخ: الثلاثاء، 26 يناير 2010 - 01:50



كنت
ارتدى النقاب وخلعته لانه يسئ الى لاننى كنت اجد نظرات الناس لى اكثر مع
النقاب وليس له اى ميزة من منع المعاكيسات حتى الاطفال فى الشوارع كلما
راؤنى قالوا عفريت اسود ولا انسى قول واحد عاكسنى بقول كيس ... اسودوسالت
شيوخ افاضل من الازهر قالوا انه ليس فرض و مهما حاول الجهلاء بالدين من
اظهار عكس ذلك او تخويف الناس بالنار وعدت الى لبس الحجاب الشرعى والخمار
وبصراحه اجد فيه كل احترام من كل الناس والله تعالى لم يخلق المراة لكى
تسير تحت خيمه سوداء والا قد منعها من السير فى الشارع لوفكرت كل منقبه
بعقل وذهبت لالوا العلم الحقبقى وليس المتطرفين لخلعت النقاب على الفور



اسمع ارائكم بقى وعايز ردووووووووود






avatar
RADWAN
وظيفته دلوقتى
وظيفته دلوقتى

الكلية : الحياة
الجنس : ذكر
تاريخ الميلاد : 01/03/1989
العمر : 28
الابراج : السمك
عدد النقاط : 1003683

http://www.svuqena.mygoo.org

الرجوع الى أعلى الصفحة اذهب الى الأسفل

خبر رد: احتجاج منتقبات "جامعة جنوب الوادى" لمنعهن من الامتحان

مُساهمة من طرف نعكات في الخميس يناير 28, 2010 12:12 pm

اكيد فى صراع عنيف جدا بين كل الاطراف

بس انا رايى ان لازم البلد يكون فيها حرية وميعقدوش المواضيع .... يعنى قالوا المنقبات ميدخلوش اللجان الا بعد خلع النقاب والمنقبات قالوا مش هنخلع النقاب خلاص يبقى ليه المشاكل؟؟؟ هتخسر ايه وزارة التعليم لو عملتلهم لجان خاصة بيهم ؟؟

نعكات
حاليا
حاليا

الكلية : اثار
الجنس : انثى
تاريخ الميلاد : 10/05/1992
العمر : 24
الابراج : الثور
عدد النقاط : 9

الرجوع الى أعلى الصفحة اذهب الى الأسفل

خبر رد: احتجاج منتقبات "جامعة جنوب الوادى" لمنعهن من الامتحان

مُساهمة من طرف RADWAN في الخميس يناير 28, 2010 7:33 pm

نعكات كتب:اكيد فى صراع عنيف جدا بين كل الاطراف

بس انا رايى ان لازم البلد يكون فيها حرية وميعقدوش المواضيع .... يعنى قالوا المنقبات ميدخلوش اللجان الا بعد خلع النقاب والمنقبات قالوا مش هنخلع النقاب خلاص يبقى ليه المشاكل؟؟؟ هتخسر ايه وزارة التعليم لو عملتلهم لجان خاصة بيهم ؟؟

شكرا ليكى اختى نعكات نورتى الموضوع وانا معاكى الوزارة مش هتخسر لو عملتلهم لجنة خاصة ده حل والحل التانى البسيط جدا ان يخصص مراقبات للمنتقبين مع كشف الوجه للتحقق من الشخصية ثم لبسه مرة ثانية ويكملوا الامتحان ده فى حد ذاته من رأيى مش مشكله وبكده يبقى ما فى اى مشاكل انا مش عارف المشاكل دى بتصطنع من فين؟؟؟؟؟وشكرا ليكى وتقبلى مرورى اخوكم رضوان






avatar
RADWAN
وظيفته دلوقتى
وظيفته دلوقتى

الكلية : الحياة
الجنس : ذكر
تاريخ الميلاد : 01/03/1989
العمر : 28
الابراج : السمك
عدد النقاط : 1003683

http://www.svuqena.mygoo.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى