منتدى طلاب جامعة جنوب الوادى بقنا
أهلا بك عزيزى الزائر بمنتدى جامعة جنوب الوادى بقنا عزيزى الزائر نتشرف بتسجيلك كعضو معنا فى المنتدى ملحوظة عزيزى الزائر المحاضرات والموضوعات المهمة التى تخص طلاب كل كلية بجامعة جنوب الوادى بقنا متاحة للسادة الاعضاء فقط سجل الان ومش هتندم لكى تستفيد بخدمات المنتدى المتميزة ولكى يكون لك الاولوية فى عمل الشات المباشر مع طلاب وطالبات الجامعة وعمل صداقات جديدة واجمل الحوارات الطلابية ولدينا ايضا المفاجأة الاكبر عمل وتصميم اعلانات ودعم ومساعدة واشهار المنتديات العربية مجانا للأعضاء فقط .اشترك واطلب اللى انت عايزه من محاضرات,سكاشن,امتحانات سابقة,دعم لمنتداك واشهاره وشوف طلبك هيتنفذ ولا لأ.
مع تحيات

أعرفِ ازاي تخطفي قلب شاب ؟؟

استعرض الموضوع السابق استعرض الموضوع التالي اذهب الى الأسفل

جديد أعرفِ ازاي تخطفي قلب شاب ؟؟

مُساهمة من طرف letto_love في السبت يناير 16, 2010 3:28 pm

أعرفِ ازاي تخطفي قلب شاب ؟؟


65 نصيحة عن الشباب


و صدقيني أثبتت صحتها عمليا بس التزمي بس أنتِ و شوفي النتيجة


و باريت تفرحينا بالنتايج بكرت دعوة




لخطوبة أو فرح


اما بقا للشباب اللي دخلوا الكلام ده في صالحكم يعني مفيش زعل اوكي



1- الشاب بيبص على البنت الحلوة ( لان الله جميل يحب الجمال )

بس مش شرط يحب وحدة قمر 14 المهم تكون حسنة الطلعة زي ما


بيقولو و روحها حلوة و جذابة .

* * *

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

* * *

3- ممكن الشاب يعجب بيكِ للحظة و ينساكِ بعديها ولا كأنه شافك قبل كده .


4- لما الشاب يقولك انا مش قادر افهمك هوا يقصد ببساطة انه أنتِ مبتفكريش بطريقته أو زيه .

* * *

5- "بتعملي إيه ؟" أو "كلتي ولا لسة ؟" دي أول أسئلة يسألها الشب لما يكلمك على التليفون بدل ما يقعد ساكت أو يقعد يتأتأ .


6- صحيح ممكن الشاب تكون عينه زايغة على البنات اللي رايحة و اللي جاية بس صدقيني

قبل ما يجي ينام بيفكر في البنت اللي بيحبها و


يحب يبقى آخر صوت سمعته ودانه قبل ما ينام صوتها

7- لما الشاب يحبك بيتجاهل كل عيوب شخصيتك

( مبيقعدش يطلع فيكي القطط الفطسة ويوريكي انك ازبل خلق الله ) .

* * *

8- ابتسامة فرح جميلة منك بالدنيا واللي فيها عند الشب .

* * *

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .


10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

* * *

11- لما الشاب يقولك انو عايز يقابل اهلك اوعي ترفضي بل بالعكس

شجعيه و اققفي جمبه في المعركة عشان تحسي بحلاوة النصر .

* * *

12- الشاب بيبقى نفسه يقول ويقول عن نفسه

بس مبيعرفش يقول غير عن مغامراته اللي تتصدق بالعافية أو عن شجاعته في

خناقة في فيلم أكشن


13- على فكرة الشاب بيعيط ( مهما بان جامد و قوي مهوا بني آدم برضو ) .

* * *


14- لما تبقي في بداية علاقة متستعجليش على انك تضايقي الشاب عشان تتخانقوا



صدقيني هتتخانقوا هتتخانقوا .

* * *

15- الشاب ميعرفش يحلم و يتأمل كتيير زيك


و معدوش صبر عايز كل اللي يتمناه يتحقق في ثانية .



16- الشاب يموت عشان يوصل للبنت اللي نفضتلوا (ماشي يا احمد)

و ده بيخليه يتقبل هزيمته و خسارته بصعوبة جدا عشان دايما المفروض هوا اللي

يكسب .

* * *


17- لما توصلي لقلب شاب أنتي كده دخلتي سكة مفيهاش رجعة


( د****** الحمام مش زي خروجه) .

* * *

18- اوعي تدي شاب رسالة متعلقة زي " عارف... "

أو " عايزة أقولك حاجة....

" و تسيبيه كده عشان كدة دماغه هتنط لاستنتاج بعيد

أوييييييي عن اللي في دماغك .


19- الشاب بيتجنن لما بيلمس ايدك .

***

20- الشاب لما يكون بيلعب لسانه ده بينقط كلام زي العسل يدوخ بيه اجدع بنت

بس تعالي حطيه قدام واحدة بيحبها هيتأتأ و كأن القطة اكلت

لسانه .

* * *

21- لما الشاب يقولك " اااممممم "

أو يديكي أي عذر لما تطلبي منه حاجة اعرفي انك مش عاجباه

ومش مستعد يديكي ( الكريديت كارد )

أوحتى يدفع فيكي قرش واحد .


22-قولي للشاب أنتي عايزة إيه منه بالزبط من الاول قبل ما تقع الفاس في الراس

و بعدين يقول باريت اللي جرى ما كان .

***

23- لما تقولي لشاب " لأاااه "

بيسمعها هوا حاول تاني بكرا

( معلش أطرش ) .

* * *

24- الشاب بيكره الشاب الفافي .


25- الشاب بيموت في أمه ( يعني كلوا الا هيا ) .

***

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر

( يعني يجوع عشان سواد عيون حضرتك ) .

* * *

27- متستبعديش ان الشاب ممكن يفكر في بنت معجبة بيه

بس ده مش معناه ان حضرته مغرم بيها .


28- مستحيل تفهمي الشاب إلا لو سمعتيه كويس

( فبلاش بقاه تنزلي لوك لوك لوك لوك و اديه فرصة ينطق ) .

* * *

29- الشاب لو قالك بحبك مرة واحدة في القرن اعرفي انو فعلا بيحبك

( بس مفيش مانع حضرته يسمعك شوية كلام حلو عشان يحسسك

بأنوثتك ) .

* * *

30- حاسبي ........

الشاب احسن واحد ينشر الإشاعات يعني في خلال ساعة واحدة شباب مصر كلها

هيعرفوا اللي عايز يقوله من غير ما

يعرفوا صدق والا كذب .


31- زي ما حصل مع امنا حوا و ابونا آدم أنتي نقطة ضعف الشاب

( استغلي المعلومة دي كويس ).

* * *

32- صح انك تجربي الشاب الأول قبل ما تصدقي كلامه

بس متسيبيهوش مستني كتير برة دائرة ثقتك .

* * *

33- الشاب غالبا بيبقى صريح قوي لما يجي يتكلم عن نفسه .


34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة

بس بتختلف من واحد بجح لواحد بيتكسف من خياله.

* * *

35- الشاب الشيك النضيف يموت لو هدمه اتوسخت حتى

لو كانت الحتة اللي اتوسخت اد السمسماية و

لو حلفتيله 100 يمين انها مش باينة

مش هيصدق ( خوديها من قاصرها وقوليله يروح يغير ) .

* * *

36- الشاب بيحب البنت المحترمة حتى لو مكانتش أمورة للدرجة .


37- انتيمتك ( صديقتك العزيزة يعني )

اللي الشاب بيلجألها لو حب يعملك مفاجأة مثلا

أو في مشكلة بينكوا وعايز حد يتوسطله مش بعيد


ابدا يحبوا بعض هما اللتنيين و تخسري اللتنين حبيبك و انتيمتك

( و كدة 1000 مبروك خرجتي أنتي من موله بلا حمص ايد ورا و ايد

قدام ) .

* * *

38- الشاب لو شكالك همه و حكالك عن مشاكله هوا مش عايز منك غير انك تسمعيه

واوعي تعملي فيها ام العرييف و تنصحيه في نفس

ذات اللحظة ( في حموتها ) انما بعديها ممكن .

* * *

39- حركة لا إرادية الشاب بيعملها فيكي لما تكوني أنتِ حبيبته يفضل يضايقك

و ينرفزك و يغيزك و يعلق على كل كلمة تطلع من بقكك .


40- الشاب لو حبك و كنتي مرطبتة هيلاقي 1000 ملون طريقة يبعدكوا فيها عن بعض

و يخليكي تحبيه ( فخلي بالك ) .

* * *

41- الشاب بيحب البنت اللي عندها حاجة اسمها عقل مش البنت اللي بتلبس .

* * *

42- الشاب بيحاول يجيب الهدية اللي ممكن تعجبك صحيح بتمثلي انها عاجباكي

بس بينا و بيين بعض نادراً لما بتعجبك صح ؟؟؟ .


43- عملياً الشاب بيتفاخر عن كل حاجة تخصه ( ده أساسي يعني ) .

* * *

44- الشاب غالباً عمروا ميتآمن على سر خدي بالك بقوا مبيتبلش فيه فولة

وده غصب عنوا ديه طبيعة عادي يعني .

* * *

45- الشاب دماغه مبتهداش على طول بتودي و تجيب مبيبطلش تفكير ابدا .


46- الشاب خيالو واسع قوي ( يرمح فيه الخيل يعني . . . ) .

* * *

47- الشاب طولك عندو مش مهم بس صدقيني مفيش عندو أهم من وزنك حااااسبي .

* * *

48- الشاب دايما لما يدخل علاقة جدية بيكون متملك لأبعد الحدود

( يعني هيقرفك قوي بس لو بتحبيه استحملي دي طبيعة آدم لما يحب ) .


49- لما سيادتك تجنني شاب معجب بيعاكسك و تديلوا الطرشة

( تنفضيلوا يعني ) هيتمسك اكتر بيكي و هيلزأ .

* * *

50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين


( يعني لو عمل كدة هيكون بيدوس على

قلبه ) .

* * *

51- لازم لازم لازم الصراحة يعني تقولي للشاب

أنتي بجد مستنية إيه من علاقتكوا ببعض ق

بل ما تبدوا في الجد و تقع الفاس في

الراس .


52- تحذير هاااام الشب لازم يجرب الإحساس بالرفض

وخصوصاً لو كان من الشوية الأماميير

اللي مفيش بنت قدرت تقاوم جمال عيونه

( قال يعني ) و إلا عمرو ما هيكبر و يعقل و يبطل لعب العيال .

* * *

53- لو حصلت ظروف مش قد كدة غالباً الشب بيلوم نفسوا أكتر بكتييير منك يا بنوته

ده كمان ممكن توصل انو يعمل حاجة في نفسو اوعي

تسيبيه في ظروف زي دي اتفقنا ؟ عشان ده أكبر وقت بيحتاجك فيه .

* * *

54- الشاب عموماً عنده انفعال و شغف انه يتغير للأحسن *

بس إرادته للأسف ضعيفة يعني محتاج منك زأة لو مفيش مانع .

55- الشاب يكون مع الناس كلها واد إيه أسد مرعب محدش يقدر يفتح بقوو معاه

بس يجي معاكي أنتي و يبقى زي القطة المتروضة مش

خوف منك لا سامح الله لأ ده من حبه ليكي ( إوعي تفهميه غلط ).

* * *

56- لو الشاب في موقف المفروض يكون متنرفز فيه

و هوعمالك عم الكوول اللي أعصابه باردة

و ميتعصبش بسرعة شوفي اذا كان

عرقان هتعرفي أد إيه هوا متنرفز .

* * *

57- لما الشاب يقولك انو مجنوون بيكي يبقى فعلا حبك عملو جنان م غالباً مش بيكدب .


58- لما الشاب يقولك سبييني في حالي إعرفي إنو بيقولك "بلييز تعالي و إسمعيني"

يعني زني عليه عشان يحس انك مهتمة بيه و ان اللي

يدايقو يدايقك ( بس مش الزن اللي يخنق ) .

* * *

59-الشاب في الحقيقة غالباً ملوش قرار نهائي ( وخدي بالك من النقطة دي ) .

* * *

60- لما الشاب يحبك بيطلع كل الحلو اللي فيه ( إكسكلوسف ليكي أنتي و بس )

شفتي بقا حبك بيعمل فيه حاجات حلوة إزاي .


61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .

* * *

62- لو الشاب فضل ساكت و قافل بقوو متقلديهوش

و تأعديلي ساكتة أنتي كمان انطقي

و حاولي بكلمتيين كدة تزبطي القاعدة و تدوبي التلج

اللي انتو فيه .

* * *

63- الشاب ما بيآمنش بالحب من أول نظرة على عكس معظم البنات وبرغم كده بيعاكس برضه

لحد ميقع من غير ما حد يسم عليه و ساعتها

بس هيآمن و يبصم بالعشرة ان في حب كدة .


64- الشاب بيحب في البنت أنوثتها بس ميحبش ضعفها يعني انوثة و قوة مع بعض

و حلي بقى أنتي المعادلة الصعبة دي .

* * *

65-الشاب ممكن يضيع وقته في متش كورة أو في لعبة بليستاشن أو كومبيوتر

( في الوقت اللي أنتي مشغولة بافكارك الرومانسية اللي

بتشوفيها في الافلام الابيض و اسود ) اوعي تتضايقي بالعكس خدي الموضوع ببساطة


و لو مفيهاش رخامة حاولي تشجعي معاه أو حتى

تلعبي معاه

letto_love

وظيفته دلوقتى


وظيفته دلوقتى

الكلية : كلية التجارة
الجنس : ذكر
تاريخ الميلاد : 01/01/1988
العمر : 29
الابراج : الجدي
عدد النقاط : 1434

http://svuqena.mygoo.org

الرجوع الى أعلى الصفحة اذهب الى الأسفل

جديد رد: أعرفِ ازاي تخطفي قلب شاب ؟؟

مُساهمة من طرف همس الحياه في الثلاثاء مارس 09, 2010 7:49 am

شكرا على الموضوع

همس الحياه
حاليا
حاليا

الكلية : اخصائيه نفسيه
الجنس : انثى
تاريخ الميلاد : 01/01/1985
العمر : 32
الابراج : الجدي
عدد النقاط : 539

الرجوع الى أعلى الصفحة اذهب الى الأسفل

جديد رد: أعرفِ ازاي تخطفي قلب شاب ؟؟

مُساهمة من طرف letto_love في الجمعة مارس 12, 2010 11:44 pm

شكرا علي مرورك همس




شاكرا لمروركم
ان غاب جسمى كفايه اسمى
ஐ◄████▓▒░░ محمد موسي ░░▒▓████►ஐ
الى جاى من عمرى مش قد اللى راح
مابقتش حمل هموم ولا حمل الجراح
مين انهارده يحس بيا
دانا جوه قلبى نار قويه
ياطول الليالى يامر السنين
دا الدمع غالى مين حس بيا مين

عايش وحدى ببكى بين اربع حطان
فين يناس الاقى الامان الاقى الحنان
يادنيا ليه جايه عليا
ليه كل فرح يطرح ااسيه
اه عالليالى ومر السنين
ده الدمع غالى مين حس بيا مين

letto_love

وظيفته دلوقتى


وظيفته دلوقتى

الكلية : كلية التجارة
الجنس : ذكر
تاريخ الميلاد : 01/01/1988
العمر : 29
الابراج : الجدي
عدد النقاط : 1434

http://svuqena.mygoo.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى